Politika e privatësisë

Kush është përgjegjës

Përgjegjës për këtë webfaqe është Klinika Dentare Dr. Besnik Shehu, Rruga "Fehmi e Xhevë Lladrovci", Drenas, Kosovë. Telefon +383 45 337 558. Email drbesnikshehu@gmail.com.

Çka nuk bën kjo faqe

Kjo faqe është e ndërtuar që të mbledhë sa më pak. Konkretisht:

• nuk vendos asnjë cookie
• nuk ngarkon Google Analytics dhe as ndonjë mjet tjetër matjeje
• nuk ngarkon fonte nga serverë të jashtëm, fontet janë të vetë-hostuara
• nuk përmban iframe të Google Maps
• nuk përmban asnjë formular kontakti
• nuk krijon profile të vizitorëve dhe nuk bën ritargetim

Prandaj në këtë faqe nuk shfaqet banner pëlqimi: nuk ka çka të pranohet.

Të dhënat e serverit

Faqja publikohet përmes Cloudflare Pages. Si çdo server në internet, edhe ai i shërben faqen duke e marrë adresën IP të pajisjes suaj, e cila nevojitet teknikisht për ta dërguar përgjigjen. Këto të dhëna teknike përpunohen për funksionimin dhe sigurinë e shërbimit dhe nuk përdoren për t'ju identifikuar.

Cloudflare, Inc. vepron si përpunues i të dhënave dhe ofron marrëveshje përpunimi të të dhënave. Kompania është e certifikuar sipas EU Cloud Code of Conduct, standardit gjerman C5, ISO 27701 dhe ISO 27018.

Kur na kontaktoni

Kontakti bëhet përmes telefonit, WhatsApp ose emailit. Në këto raste përpunohen të dhënat që ju i jepni vetë, për t'iu përgjigjur kërkesës suaj dhe, nëse vendosni të vini në klinikë, për kujdesin shëndetësor.

WhatsApp ofrohet nga WhatsApp Ireland Limited. Nëse na shkruani atje, komunikimi zhvillohet sipas kushteve të atij shërbimi. Prandaj rentgenet, fotot dhe dokumentet shëndetësore dërgohen me email, jo me WhatsApp.

Të dhënat shëndetësore në klinikë

Të dhënat e pacientëve që krijohen gjatë trajtimit ruhen në klinikë, veç nga kjo webfaqe, dhe trajtohen sipas legjislacionit shëndetësor dhe atij për mbrojtjen e të dhënave personale. Kjo webfaqe nuk ka qasje në to.

Fotot e pacientëve

Fotot para dhe pas publikohen vetëm me pëlqim me shkrim të pacientit dhe pa fytyrë. Pëlqimi mund të tërhiqet në çdo kohë, dhe fotot hiqen.

Të drejtat tuaja

Keni të drejtë të kërkoni qasje, korrigjim, fshirje ose kufizim të përpunimit të të dhënave tuaja, si dhe të kundërshtoni përpunimin. Kërkesat dërgohen te drbesnikshehu@gmail.com.

Ndryshimet

Nëse në të ardhmen shtohet ndonjë mjet matjeje ose ndonjë funksion i ri, kjo politikë përditësohet dhe data lart ndryshon. Çdo mjet që vendos cookie do të ngarkohet vetëm pas pëlqimit tuaj të shprehur.

Version i vlefshëm për drbesnikshehu.com, i përditësuar më 26 shtator 2026.